Beint í efni
Alviti
← Samráðsgátt
S-198/2022 · Atvinnuvegaráðuneytið

Drög að frumvarpi til laga um breytingu á lögum um veiðar í fiskveiðilandhelgi Íslands, nr. 79/1997 (aflvísir)

Frumvarpið leggur til breytingu á 5. gr. laga nr. 79/1997, um veiðar í fiskveiðilandhelgi Íslands, sem ætlað er að ýta undir breytingar á fiskiskipum með það að markmiði að draga úr olíunotkun þeirra.

Komið til Alþingis153. þing, 538. mál: veiðar í fiskveiðilandhelgi Íslands (lagt fram 2. des. 2022)

Á þingmálaskrá ríkisstjórnar: 153. þing (áætlað: nóvember); 154. þing (áætlað: október).

Í lögum nr. 79/1997, um veiðar í fiskveiðilandhelgi Íslands, er skilgreint hugtakið aflvísir, sem er margfeldi á afli aðalvélar og þvermáli skrúfu skips. Með því að hafa stærri skrúfu í skipum samfara hæggengari vél hefur náðst umtalsverður árangur í olíusparnaði, en talið er að samdráttur í olíunotkun geti verið allt að 50%. Áhrif stækkaðrar skrúfu er aukinn aflvísir, sem leiðir til þess, að óbreyttu, að heimildir smærri togskipa til veiða myndu skerðast á svæðum innan tiltekinna sjómílna (3-12 sjómílna) frá viðmiðunarlínu samkvæmt 5. gr laganna. Aflvísir hefur því áhrif á það hvort aðilar taki til notkunar ný og sparneytnari skip sem hafa aukið afl vegna stærri skrúfu. Lagt er til að aflvísisviðmið laganna verði tekið út og eingöngu gildi stærðartakmarkanir skipa hvað varðar umræddar veiðar. Er þetta enn fremur skynsamlegt til að stytta ferðatíma skipa við veiðar og þar af leiðandi minnka notkun þeirra á olíu.

S-198/2022· Drög að frumvarpi til laga· Atvinnuvegaráðuneytið· Niðurstöður birtar· frestur 20. okt. 2022 – 4. nóv. 2022· 3 umsagnir

Drög að frumvarpi til laga um breytingu á lögum um veiðar í fiskveiðilandhelgi Íslands, nr. 79/1997 (aflvísir)

Frumvarpið leggur til breytingu á 5. gr. laga nr. 79/1997, um veiðar í fiskveiðilandhelgi Íslands, sem ætlað er að ýta undir breytingar á fiskiskipum með það að markmiði að draga úr olíunotkun þeirra.

Skoða í Samráðsgátt
Ferill í Samráðsgátt
  1. Birt í Samráðsgátt (S-198/2022)
  2. Umsagnarfrestur hefst · til 4. nóvember 2022
  3. Umsagnarfresti lýkur · 3 umsagnir bárust
  4. Niðurstöður samráðs birtar
  5. Lagt fram á Alþingi (153. þing, mál 538)
Niðurstöður samráðs (1. desember 2022)

Í umsögnum komu m.a. fram áhyggjur af því að stærri skip með trolli gætu veitt innan 12 sjómílna. Einnig kom fram ánægja með efni og markmið frumvarpsins. Frumvarpið getur sannarlega leitt til þess að stærri skip gætu veitt innan 12 sjómílna. Á sama tíma fer fram yfirgripsmikil vinna að því að skilgreina viðkvæm hafsvæði og botnvistkerfi sem njóta eiga verndar gagnvart veiðarfærum sem snerta botninn. Ekki er talið að frumvarpið leiði til röskunar á viðkvæmum svæðum en það leiðir hins vegar til þess að kolefnisspor fiskveiða getur lækkað.

Innsendar umsagnir í Samráðsgátt (3)
  • #1Daði Hjálmarsson
    Ég tel að þessar breytingar leiði til þess að meira verður veitt með trolli innan 12 mílna og veitt verður með tveimur trollum samtímis. Þetta mun leiða til mikils skaða fyrir lífríki og hrygningarstaði botnsfisks við Ísland. Þetta mun leiða til ásóknar að stærri skip megi í framtíðinni veiða líka innan 12 mílna enda yrði eftir breytingu sömu vélar í þessum skipum og eru nú í stærstu togurum á landinu. Útum allan heim eru ónýt fiskimið þar sem trollveiðar hafa verið óheftar. Þess má einnig geta að veiðar með dragnót (sem nefnd er í þessu frumvarpi) er aðeins möguleg á mjúkum botni (leir… Lesa alla

    Ég tel að þessar breytingar leiði til þess að meira verður veitt með trolli innan 12 mílna og veitt verður með tveimur trollum samtímis. Þetta mun leiða til mikils skaða fyrir lífríki og hrygningarstaði botnsfisks við Ísland. Þetta mun leiða til ásóknar að stærri skip megi í framtíðinni veiða líka innan 12 mílna enda yrði eftir breytingu sömu vélar í þessum skipum og eru nú í stærstu togurum á landinu. Útum allan heim eru ónýt fiskimið þar sem trollveiðar hafa verið óheftar. Þess má einnig geta að veiðar með dragnót (sem nefnd er í þessu frumvarpi) er aðeins möguleg á mjúkum botni (leir og sand). Troll veiðar eru mögulegar á öllum botnum og er ég hræddur um að auknar trollveiðar muni eyðileggja kóralsvæði, þaraskóga og hraunbotna og þar með hrygningar og uppeldissvæði botnfiska. Það er ekki að ástæðulausu að trollveiði ætti að vera fyrir utan 12 mílur og það var einhver sátt á sínum tíma að leyfa einhverjum minni og afl litlum bátum að stunda trollveiðar fyrir innan 12 mílna. Að auka þær heimidlir eru aðeins skaðlegar umhverfinu.

  • #2Samtök fyrirtækja í sjávarútvegi
    2022 11 8 Aflvísir.pdf
  • #3Landssamband smábátaeigenda
    utf-8''221104 Frumvarp til laga um breytingu á lögum um veiðar í fiskveiðilandhelgi Íslands.pdf

Umsagnir eru birtar eins og Samráðsgáttin birtir þær, með nafni sendanda. Umsagnir sem sendandi óskaði að yrðu ekki birtar eru ekki hér. Heimild: Samráðsgátt stjórnvalda.

Samráðsgátt og Alþingi nota hvort sitt númerakerfi: S-númer í gáttinni er ekki málsnúmer á Alþingi. Alviti tengir samráðsmál við þingmál eftir ráðuneyti, tegund máls, tímasetningu og orðalagi.

Heimild: Samráðsgátt stjórnvalda · Skoða á althingi.is (opnast í nýjum flipa)

Hjálpaðu okkur að bæta Alviti

Fannstu villu, rangar upplýsingar eða eitthvað sem mætti vera betra? Sendu okkur ábendingu.

Bæta við mynd

Þú getur sent skjáskot sem sýnir vandamálið.

Ef þú vilt að við getum haft samband við þig.

Netfangið er aðeins notað til að svara þér um þessa ábendingu. Það er ekki birt og ekki sett á neinn póstlista. Með ábendingunni fylgir slóð síðunnar sem þú ert á og stærð gluggans.

S-198/2022: Drög að frumvarpi til laga um breytingu á lögum um veiðar í fiskveiðilandhelgi Íslands, nr. 79/1997 (aflvísir) · Alviti