Beint í efni
Alviti
← Samráðsgátt
S-269/2019 · Umhverfis-, orku- og loftslagsráðuneytið

Áform um frumvarp til laga um breytingu á lögum nr. 7/1998 um hollustuhætti og mengunarvarnir (EES-reglur, plastvörur)

Í áformuðu frumvarpi verða lagðar til breytingar á lögum um hollustuhætti og mengunarvarnir til innleiðingar á tilskipun ESB um minnkun umhverfisáhrifa af tilteknum vörum úr plasti.

Komið til Alþingis150. þing, 720. mál: hollustuhættir og mengunarvarnir (lagt fram 16. apr. 2020)

Tilefni lagasetningarinnar er innleiðing tilskipunar (ESB) 2019/904 um minnkun umhverfisáhrifa af tilteknum vörum úr plasti. Tilskipunin var birt í Stjórnartíðindum Evrópusambandsins 12. júní 2019, telst EES tæk og ber að innleiða hér á landi. Gert er ráð fyrir að tilskipunin verði tekin upp í EES-samninginn vorið 2020. Tilskipunin er ný af nálinni og er ætlað að koma í veg fyrir og draga úr umhverfisáhrifum af tilteknum plastvörum og áhrifum þeirra á heilsu fólks. Ákvæðum tilskipunarinnar er fyrst og fremst beint að þeim plastvörum sem finnast helst á ströndum en mælingar hafa sýnt að rusl á ströndum í Evrópu er að 80-85% plast og þar af eru einnota plastvörur 50% og hlutir tengdir veiðum 27%. Tilskipuninni er ætlað að styðja við myndun hringrásarhagkerfis og efla úrgangsforvarnir með því að styðja við notkun sjálfbærra og endurnotanlegra vara, fremur en einnota vara. Markmið með frumvarpinu verður að draga úr áhrifum af notkun plasts á umhverfið og heilsu fólks. Jafnframt er markmiðið að hreinsa plast úr umhverfinu, vekja neytendur til umhugsunar um neyslu og umhverfisáhrif plasts, draga úr notkun einnota plastvara og styðja við notkun endurnotanlegra vara.

S-269/2019· Áform um lagasetningu· Umhverfis-, orku- og loftslagsráðuneytið· Niðurstöður birtar· frestur 28. okt. 2019 – 12. nóv. 2019· 2 umsagnir

Áform um frumvarp til laga um breytingu á lögum nr. 7/1998 um hollustuhætti og mengunarvarnir (EES-reglur, plastvörur)

Í áformuðu frumvarpi verða lagðar til breytingar á lögum um hollustuhætti og mengunarvarnir til innleiðingar á tilskipun ESB um minnkun umhverfisáhrifa af tilteknum vörum úr plasti.

Skoða í Samráðsgátt
Ferill í Samráðsgátt
  1. Birt í Samráðsgátt (S-269/2019)
  2. Umsagnarfrestur hefst · til 12. nóvember 2019
  3. Umsagnarfresti lýkur · 2 umsagnir bárust
  4. Niðurstöður samráðs birtar
  5. Lagt fram á Alþingi (150. þing, mál 720)
Niðurstöður samráðs (19. nóvember 2019)

Tvær umsagnir bárust um áformin í gegnum Samráðsgátt. Í þeim fólust gagnlegar ábendingar sem hafðar verða til hliðsjónar við vinnslu frumvarpsins og við endanlegt mat á áhrifum lagasetningarinnar. Í greinargerð með frumvarpinu verður gerð nánari grein fyrir umsögnum og verða drög að frumvarpinu kynnt í Samráðsgáttinni.

Innsendar umsagnir í Samráðsgátt (2)
  • #1Ísleifur Gíslason
    Það er óþolandi þegar á að kaupa kjötvörur að finna þær allar innpakkaðar í plast. 1. Í fyrsta lagi eru skammtarnir yðulega óhentugir, annað hvort of litlir eða of stórir, en hvort tveggja stuðlar að matarsóun. 2. Það ætti ekki að vera vandamál að selja kjötvöru í þeim skömtum sem neytandin óskar og nota ílát úr náttúrulega niðurbrjótanlegum efnum, til dæmis pappa gerðum úr hampi eða hálmi sem síðan má henda í tunnnuna sem ætluð er fyrir lífrænt, til moltugerðar. Eða þá ílát sem neytandinn kemur sjálfur með í búðina. 3. Enn eru nokkrar verslanir sem bjóða kjötvörur sem eru afgreiddar kjötbo… Lesa alla

    Það er óþolandi þegar á að kaupa kjötvörur að finna þær allar innpakkaðar í plast. 1. Í fyrsta lagi eru skammtarnir yðulega óhentugir, annað hvort of litlir eða of stórir, en hvort tveggja stuðlar að matarsóun. 2. Það ætti ekki að vera vandamál að selja kjötvöru í þeim skömtum sem neytandin óskar og nota ílát úr náttúrulega niðurbrjótanlegum efnum, til dæmis pappa gerðum úr hampi eða hálmi sem síðan má henda í tunnnuna sem ætluð er fyrir lífrænt, til moltugerðar. Eða þá ílát sem neytandinn kemur sjálfur með í búðina. 3. Enn eru nokkrar verslanir sem bjóða kjötvörur sem eru afgreiddar kjötborði og virðast ekki tapa á því sbr. Fjarðarkaup í Hafnarfirði. Þetta er til fyrirmyndar og ætti að skylda aðra stórmarkaði til að gera slíkt hið sama.

  • #2Sigurður Örn Guðleifsson

    Fyrir hönd ráðgjafarnefndar um eftirlit á vegum hins opinbera, sem starfar á grundvelli laga um opinberar eftirlitsreglur, nr. 27/1999. Sigurður Örn Guðleifsson, formaður.

    Afstaða nefndarinnar - Frv um br á l 7-1998 (plastvörur).pdf

Umsagnir eru birtar eins og Samráðsgáttin birtir þær, með nafni sendanda. Umsagnir sem sendandi óskaði að yrðu ekki birtar eru ekki hér. Heimild: Samráðsgátt stjórnvalda.

Samráðsgátt og Alþingi nota hvort sitt númerakerfi: S-númer í gáttinni er ekki málsnúmer á Alþingi. Alviti tengir samráðsmál við þingmál eftir ráðuneyti, tegund máls, tímasetningu og orðalagi.

Heimild: Samráðsgátt stjórnvalda · Skoða á althingi.is (opnast í nýjum flipa)

Hjálpaðu okkur að bæta Alviti

Fannstu villu, rangar upplýsingar eða eitthvað sem mætti vera betra? Sendu okkur ábendingu.

Bæta við mynd

Þú getur sent skjáskot sem sýnir vandamálið.

Ef þú vilt að við getum haft samband við þig.

Netfangið er aðeins notað til að svara þér um þessa ábendingu. Það er ekki birt og ekki sett á neinn póstlista. Með ábendingunni fylgir slóð síðunnar sem þú ert á og stærð gluggans.

S-269/2019: Áform um frumvarp til laga um breytingu á lögum nr. 7/1998 um hollustuhætti og mengunarvarnir (EES-reglur, plastvörur) · Alviti