Verðbréfamiðstöðvar (CSDR Refit)

Á þingmálaskrá ríkisstjórnar: 157. þing (áætlað: september).

Áformuð er lagasetning til innleiðingar á reglugerð (ESB) 2023/2845, um breytingu á reglugerð (ESB) nr. 909/2014 að því er varðar aga í uppgjöri, veitingu þjónustu yfir landamæri, eftirlitssamstarf, veitingu viðbótarbankaþjónustu og kröfur fyrir verðbréfamiðstöðvar þriðja lands og um breytingu á reglugerð (ESB) nr. 236/2012 (CSDR Refit). Gerðin verður innleidd með breytingum á lögum um verðbréfamiðstöðvar, uppgjör og rafræna eignarskráningu fjármálagerninga, nr. 7/2020. Breytingar með CSDR Refit varða meðal annars ráðstafanir til að takast á við uppgjörsbresti, lágmarkstíðni reglulegrar eftirlitsframkvæmdar, samstarf landsbundinna eftirlitsaðila, upplýsingamiðlun og mat vegna breytinga á eignarhaldi í verðbréfamiðstöðvum. Fyrirhuguð lagasetning mun fyrst og fremst hafa áhrif á verðbréfamiðstöðvar og eftirlitsaðila. Núverandi áætlanir gera ráð fyrir tillögugerð um gildistöku breytinganna á árinu 2026. Stefnt er að því að innleiða samhliða CSDR Refit-gerðinni aðra og nýlegri breytingu á CSDR, þ.e. reglugerð (ESB) um styttingu uppgjörstíma í T+1 (með vísan í tengt mál).

Samráðsgátt og Alþingi nota hvort sitt númerakerfi: S-númer í gáttinni er ekki málsnúmer á Alþingi. Alviti tengir samráðsmál við þingmál eftir ráðuneyti, tegund máls, tímasetningu og orðalagi.

Heimild: Samráðsgátt stjórnvalda · Skoða á althingi.is (opnast í nýjum flipa)